Wednesday, March 31, 2010

தமிழ் இணைய மாநாடு 2010 பல்கலைக்கழக, கல்லூரி மாணவர்களுக்குரிய கட்டுரைப் போட்டி


தமிழ் விக்கிப்பீடியா (http://ta.wikipedia.org) என்பது பயனர்களால் கூட்டாக ஆக்கப்படும் ஓர் கட்டற்ற இணையக் கலைக்களஞ்சியத் திட்டம்.தமிழில் விரிவான, தரமான பல்துறைக் கலைக் களஞ்சியம் ஒன்றை உருவாக்கும் நோக்கத்துடன் இத்திட்டம் செயற்படுகிறது. இத்திட்டத்துக்கு ஏற்ற கட்டுரைகளை எழுதும் போட்டியைத் தமிழக அரசு தமிழ் விக்கிப்பீடியாவுடன் இணைந்து நடத்துகிறது.

பின்வரும் துறைகளைச் சார்ந்த கல்லூரி, பல்கலைக்கழக மாணவர்களிடமிருந்து போட்டிக் கட்டுரைகள் வரவேற்கப்படுகின்றன. ஒவ்வொரு துறைக்குமான சில எடுத்துக்காட்டுத் தலைப்புகளை அடைப்புக்குறிகளில் காணலாம். விளையாட்டு வீரர்கள் என்ற அடிப்படைத் தலைப்பைக் கொண்டு கிரிக்கெட், கால்பந்து போன்ற பல்வேறு விளையாட்டு வீரர்களைப் பற்றியும் தனித்தனிக் கட்டுரைகளாக எழுதலாம். அதே போல் இத்துறைகளின் கீழ் அடங்கக்கூடிய எத்தலைப்பைப் பற்றியும் எழுதலாம்.

இவை எடுத்துக்காட்டுத் தலைப்புகள் மட்டுமே:
· பொறியியல் (அண்மைய கருவிகள் - தொழில்நுட்பங்கள், பொறியியல் விதிகள்)
· மருத்துவம் (நோய்கள், மருத்துவ முறைகள், உளவியல், மனித உடற்கூறியல்)
· கால்நடை மருத்துவம் (விலங்குகள், விலங்கு நோய்கள், விலங்கு உடற்கூறியல்)
· சட்டம் (பன்னாட்டுச் சட்டம், சட்ட முறைகள்)
· கலை மற்றும் அறிவியல் (விடுதலைப் போர்கள், பொருளாதார விதிகள், புவி அமைப்பு, இலக்கியம், அறிவியல் விதிகள், அறிவியலாளர்கள்)
· விளையாட்டு (விளையாட்டு வீரர்கள், விளையாட்டுகள் வரலாறு, விளையாட்டுகளின் விதிகள்)
· வேளாண்மை (தாவரங்கள், தாவர நோய்கள், உழவு முறைகள், நவீன வேளாண்மை)
· கல்வியியல் (சமச்சீர் கல்வி, தமிழ்வழிக் கல்வி, ஆங்கிலவழிக் கல்வி) மேலே குறிப்பிட்ட எட்டு துறைகளிலும், துறைக்கு 3 பரிசுகள் என 24 பரிசுகள் உள்ளன

கூடுதல் விவரங்களுக்கும் பதிவுச்செய்யவும் பார்க்க:http://www.tamilint2010.tn.gov.in

போட்டிக்கான விக்கிப்பீடியா பக்கத்து செல்ல இங்கே சொடுக்கவும்

The Hindu - 1 April 2010


CHENNAI: The State government has decided to conduct a contest for college students to increase the Tamil content in Wikipedia, the free online encyclopaedia.

The contest will be held as a prelude to the Tamil Internet Conference, which will be held concurrently along with the World Classical Tamil Conference at Coimbatore in June.

M. Anandakrishnan, chairman of the organising committee for the Internet Conference, said the competition was also to encourage the youth for trying and identifying online Tamil resources in their fields of specialisation and areas of interest. Explaining the rationale behind the contest, Professor Anandakrishnan said there were
about 22,000 Tamil entries in Wikipedia, following Hindi (68,000 entries) and Telugu (47,000 entries). By deciding to hold the contest, the Tamil Nadu government was the first government to take the initiative of promoting the presence of resources in a language.

Those willing to participate in the contest should register themselves online (http:/tamilint2010.tn.gov.in) by April 30. The word length of each entry to the contest should vary from 250 words to 500 words. The entry should conform to Unicode. Selected entries would be hosted on the Tamil Wikipedia. More information could be had from the website http://ta.wikipedia.org. Earlier, he presided over a meeting of the committee. Kanimozhi, Member of Parliament; Poongothai Aladi Aruna, Information Technology Minister; P.W. C. Davidar, IT Secretary; and Anto Peter of the Tamil Computing Sangam were among those who attended the meeting.

தினமணி சென்னை - 1 ஏப்ரல் 2010

Monday, March 8, 2010

The Hindu Business Line - 8 March 2010

Tamil Wikipedia Contest on Cards for TI2010 at College level, says Tamilnadu IT Secretary Mr.P.W.C.Davidar.

Sunday, March 7, 2010

தினமணி சென்னை - 7 மார்ச்சு 2010

"விக்கிபீடியா" தமிழ் இணைய தளத்துக்கு கட்டுரை அளிக்க மாணவர்களுக்குப் போட்டி*

தமிழ் இணைய மாநாட்டில் கணினியில் தமிழ் பயன்பாடு குறித்து கல்லூரி மாணவர்களுக்குப் போட்டிகள் நடத்தப்பட உள்ளன. இப்போட்டி குறித்த அறிவிப்பு விரைவில் வெளியிடப்பட உள்ளது.

உலகத் தமிழ்ச் செம்மொழி மாநாட்டின் ஓர் அங்கமாக தமிழ் இணைய மாநாடு நடத்தப்படுகிறது. செம்மொழி மாநாட்டில் நடத்தப்படும் ஆய்வரங்கத்தைப் போல, இணைய மாநாட்டிலும் ஆய்வரங்கம் நடத்தப்படுகிறது. இதில் ஏராளமானோர் தங்கள்
ஆய்வுக் கட்டுரைகளை வாசிக்க உள்ளனர்.

இதுதவிர கணினியில் தமிழ் பயன்பாட்டை அதிகரிக்கவும், அதுபற்றி கல்லூரி மாணவர்களுக்கு விழிப்புணர்வு ஏற்படுத்தவும் புதுவிதப் போட்டி நடத்தப்படுகிறது.

இப்போட்டி குறித்த அறிவிப்பு இன்னும் ஓரிரு நாள்களில் வெளியாகிறது.

ஐ.ஐ.டி. கான்பூர் தலைவர் மு.ஆனந்தகிருஷ்ணன் தலைமையில் இணைய மாநாட்டுக் குழு அமைக்கப்பட்டுள்ளது.

போட்டி குறித்து இணைய மாநாட்டுக் குழு ஒருங்கிணைப்பாளரும், தகவல் தொழில்நுட்பத் துறை செயலாளருமான ப.வி.ச.டேவிதார் கூறியதாவது: கணினியில் தமிழ் பயன்பாடு குறித்து கல்லூரி மாணவர்களுக்குப் போட்டி நடத்தப்படுகிறது.
பொறியியல், மருத்துவம், வேளாண்மை, கால்நடைத் துறை, விளையாட்டு துறை என 7 வகை பல்கலைக்கழகங்களைச் சேர்ந்த கல்லூரி மாணவர்கள் இப்போட்டியில் பங்கேற்கலாம்.

கணினியில் தமிழ் பயன்பாடு குறித்து பல்வேறு தலைப்புகளில் கட்டுரைகளை சமர்ப்பிக்கலாம். கட்டுரைகள் தமிழில் இருக்க வேண்டும்.

இணையதளத்தில் தமிழின் பயன்பாட்டை அதிகரிக்க இப்போட்டி வழி செய்கிறது.

விக்கிபீடியா" தமிழ் இணையதளம்:
எந்தவொரு தகவலையும் "விக்கிபீடியா" இணையதளத்தின் மூலம் பார்த்துவிட முடியும். இந்த இணையதளத்தில், ஒவ்வொரு மொழியிலும் பல்வேறு தலைப்பில் ஏராளமான கட்டுரைகள் உள்ளன.

ஆனால், "விக்கிபீடியா" தமிழ் இணையதளத்தில் வெறும் 22,000 கட்டுரைகளே உள்ளன. இதை அதிகரித்தால் தான் இணையதளத்தில் தமிழின் பயன்பாடு அதிகமாகும்.

அந்தவகையில் கல்லூரி மாணவர்களுக்காகப் போட்டி நடத்தப்படுகிறது. இப்போட்டியில் மாணவர்களிடம் இருந்து சுமார் 20 ஆயிரம் கட்டுரைகளை எதிர்பார்க்கிறோம். இந்தக் கட்டுரைகள் அனைத்தும்  "விக்கிபீடியா" தமிழ் இணையதளத்தில் பதிவு
செய்யப்படும். சிறந்த கட்டுரைகளுக்குப் பரிசுகளும் வழங்கப்படும்.

கட்டுரைகளை "யுனிகோட்" முறையில் தமிழில் தட்டச்சு செய்து அனுப்ப வேண்டும். போட்டி அறிவிப்பு மற்றும் இணையதளத்தில் மாணவர் பதிவு குறித்து விரைவில் அறிவிப்பு வெளியிடப்படும் என்றார்.


நன்றி:- தினமணி